ചിതൽ‌പ്പുറ്റ്

ഒരു ചരമഗീതത്തിന്‌ മുമ്പ്....(മുല്ലപെരിയാര്‍)

2011-11-27T19:38:00.030+03:00

നിന്റെ ചുണ്ണാമ്പ് നിറഞ്ഞ തുടകള്‍ക്കിടയിലൂടെ
മൂത്രം ഒലിച്ചിറങ്ങുന്നത് ഞാന്‍ അറിഞ്ഞിട്ടുണ്ട്.
ഏതൊരു വൃദ്ധനും ഒരിക്കല്‍ മരണത്തെ കൊതിക്കും
താനിങ്ങനെ ഒരു ശാപമാണെന്നറിയുമ്പോള്‍....

എനിക്കറിയാം നിനക്കതിന് പോലും
അവകാശമില്ലല്ലോ എന്ന്
നിന്റെ പെട്ടെന്നുള്ള മരണത്തെ ഓര്‍ത്ത്
ഉറങ്ങാതിരിക്കുന്നവരെ ചുറ്റിലും നീ കാണുന്നുണ്ടല്ലോ..

നിന്റെ പാട്ടത്തിന്റെ ഉടമസ്ഥന്‍
നിന്നെ കുലുക്കി വലിച്ചെറിയും മുമ്പ്
നിനക്കൊരു പിന്‍ഗാമിയെ സൃഷ്ടിച്ച് തരാന്‍
ഈ ഇരുകാലി ദൈവങ്ങള്‍
എവിടെ പോയാണ് ഒളിച്ചത്
എന്ന് നീ തിരയുന്നതും ഞാന്‍ കാണുന്നു

ഹര്‍ത്താലിനും ഇ-യുദ്ധങ്ങള്‍ക്കും
ഉപവാസങ്ങള്‍ക്കുമിടയില്‍
നിന്റെ തുടയും വയറും പൊട്ടി
നീ പൊഴിക്കുന്ന കണ്ണീര്‍ തുള്ളികള്‍
ഞങ്ങളെ തഴുകി ഉമ്മവെക്കുന്നതിന് മുമ്പ്
നിന്റെ മകനെ ഉണര്‍ത്താന്‍
ശങ്കരപിള്ളയുടെ ദീപത്തിലെ അന്ധനെപോലെ
ഏത് അന്ധനാണ് ഉയര്‍ന്ന് വരിക

അതല്ലങ്കില്‍ നിനക്കൊരു ചരമഗീതമെഴുതാന്‍
ജുഡീഷറിയും കേന്ദ്രമന്ത്രിമാരും
ഇവിടെ ബാക്കിയുണ്ടാവുമെന്ന് കരുതാം
കൂടെ എനിക്കും ...

വരിതെറ്റിക്കുന്ന ഉറക്കത്തില്‍ നിന്ന്

2011-07-13T20:48:00.015+03:00

ചില പകല്‍ സ്വപ്നങ്ങള്‍
വിയര്‍പ്പ് തുള്ളികളെ നോവിപ്പിക്കും
രോമങ്ങളെ തുറിച്ച് നോക്കും

ഒരിക്കല്‍ ശവപ്പെട്ടിക്ക്
ഓശാന പാടാന്‍
അഫ്സല്‍ ഗുരുവും ഗിലാനിയും
എവിടെയോ നിന്ന് വന്നിരുന്നു.
ഗിലാനി അതിനിടയില്‍ തന്നെ
എങ്ങോ മറഞ്ഞ് പോയി
നീതിയോടൊപ്പമാണ് സമാധാനം വരിക.
നീതി നടപ്പായില്ലെങ്കില്‍ സമാധാനവും ഉണ്ടാവില്ല.
എന്നും പറഞ്ഞ്

ആ ഓശനയില്‍
ഇന്ത്യന്‍ മാതൃത്വത്തിനെ ഒറ്റികൊടുത്ത
ശവപെട്ടി കുഭകോണം എവിടെയോ
പോയി ഒളിച്ചു.

ഇന്ന് മാരനും രാജയും
കോര്‍പരേറ്റുകളും
കുനിഞ്ഞിരിക്കുന്ന നേരത്ത്
ചോരയെ വീഞ്ഞാക്കുന്ന
മനസ്സുള്ളവര്‍ ചിയേര്സ്
പറഞ്ഞ് പൊട്ടി ചിരിക്കുന്നു

ഇത് ഭീകരക്രാമണമാണ്‌
എന്ന് സ്ഥിരീകരിക്കാന്‍ മാത്രം
കുറച്ച് നേതാക്കളും

ഇതിനിടയില്‍ പഴയ ശവപെട്ടി
പോലെ ഈ കോടികളും
പറന്ന് പോവുന്നതും നോക്കി
ഉറക്കത്തില്‍ മുഴുകിയിരിക്കുന്ന ഞാനും

തിരിച്ചറിവ്

2010-08-26T02:04:00.000+03:00

പൂമുഖത്തേക്ക് ഒരു ഉരുളൻ കല്ല്
വന്നതാണ്
ആദ്യാമായി
തിരിച്ചറിവിനെ കുറിച്ച് എന്നോട് അവൾ പറയാൻ കാരണം

ചിതലിന്
ഒരിക്കലും
മുഴുവാനായി കരണ്ടു തിന്ന് തീർക്കാൻ
സാധിക്കില്ല എന്നതൊരു വിശ്വാസമായിരുന്നു
വിശ്വാസങ്ങൾ എന്നും ശരിയാവണമെന്നില്ലല്ലോ
എന്നതാണ് തിരിച്ചറിവ്

കറുത്ത കണ്ണടയിൽ
ഉറക്കിന്റെ അവശിഷ്ടം ഒളിപ്പിച്ച് വെച്ചത്
എന്റെ കണ്ണുകൾക്ക് കാണാതിരിക്കാനാവില്ലല്ലോ

അത് പോലെയാണ് തിരിച്ചറിവും

കൂര്‍ക്കം വലികള്‍

2010-02-04T01:07:00.001+03:00

ഇവള്‍.,

ഉറക്കിന് വേണ്ടിയാണ്

മനസ്സിനെ ഇവള്‍ കണ്ടെത്തിയത്.

വിതറിയ പൂക്കളിലെ

കറുത്ത പാടിനെ തിരയുന്ന

പാവാടകാരിയെ പോലെ

ഇവള്‍ മനസ്സിന്റെ

സന്തോഷങ്ങളെ

തിരഞ്ഞെടുത്തു…

അവള്‍...,

ഉണര്‍വിന്റെ

നനുത്ത പ്രഭാതത്തിലാണ്

ഉറക്കിനെ കുറിച്ചോര്‍ത്തത്

അവന്റെ കൈ വിരലുകള്‍

തലവരയില്‍

കൈകടത്തുന്നതിന്ന്

മുമ്പാണല്ലോ

ഉറങ്ങിയത് എന്നത്

ഇന്നലെയാണവള്‍ ഓര്‍ത്തത്…

അവന്..

അവന്റെ പ്രതലത്തില്‍

ഇവളുടെ ഉറക്കത്തെ

നിശ്ചലമാക്കി..

ഇവന്..

ഇവന്റെ സ്നേഹത്തില്‍

അവളുടെ

ഉണര്‍വ് ഒരു ശീലവും……

അവരുടെ

ഉറക്കവും ഉണര്‍വിന്റെയും

തിരച്ചിലുകള്‍ക്കിടയില്‍ അവനും ഇവനും

പരസ്പരം കൂര്‍ക്കം വലിച്ച്

മത്സരിക്കുകയായിരുന്നു..

ചിത്രം.. http://sequesteredsoul.wordpress.com/

ആനപുറത്തിരുന്ന് ഒളിഞ്ഞ് നോക്കുന്നവര്

2009-09-08T04:23:00.001+03:00

ഇരുണ്ട നിറം
തടിച്ച രൂപം
പരന്ന നടത്തം
എല്ലാം കൊണ്ടും
അശുഭമാകേണ്ടതായിരുന്നു
ആന

എന്നിട്ടും
ആന
ഒരു വിജയിയെ പോലെ
ശുഭചിഹ്നമായി

തിരക്കിലും
ഒരുക്കങ്ങളിലും
ആന
ഒരാവശ്യമായിരുന്നു

ആനക്കറിയാമായിരുന്നു
ഒരിക്കല്
അവനും
നിശ്ചലമാകുമെന്ന്
അതിനാല്
അഹങ്കരിക്കാതെ
അമര്‍ന്നിരുന്നു
അവന്

വയറിന്റെ
നിലനില്പിന്
സ്വയം വില്‍കാന്
കഴിയാതെ
ഭാര്യയെ
രജിസ്റ്ററായി വില്‍ക്കുന്ന
ഇടവേളയില്
ഇന്ദ്രപ്രസ്ഥതിലേക്ക്
ആന പുറത്തിരുന്ന്
ഒളിഞ്ഞ് നോക്കിയിരുന്നവര്

ഇന്ന്
സ്റ്റാമ്പുകളെ പോലെ
പാര്‍ക്കുകളിലും
റോഡുകളിലും
ആനയെ
നിശ്ചലമായി
നിറുത്തുന്നത്
ഒരിക്കല്
പാപ്പനെ
ചവിട്ടി കൊല്ലുന്ന
മര്‍ദ്ദിദനെ പോലെ
തങ്ങളുടേ നേര്‍ക്കും
വരുമെന്ന്
ഓര്‍മയുള്ളത് കൊണ്ടായിരിക്കാം

നീല കണ്ണുള്ള ഓര്‍മകള്‍

2009-08-21T01:32:00.003+03:00

നീല കണ്ണുകളുള്ള ആ പാവകുട്ടി അവള്‍ എന്റെ മുഖത്തിലേക്ക് അടുപ്പിച്ചു.
“അറിയോ നിനക്ക് ഇത് പോലെ ഒന്ന് ഞാന്‍ എത്രമാത്രം കൊതിച്ചിരുന്നു എന്ന്. ചിലപ്പോള്‍ എന്റെ മോള്‍ക്ക് ആദ്യമായി വാങ്ങികൊടുക്കേണ്ടത് ഇതാണ്‍ എന്ന് അന്നേ ഞാന്‍ ഉറപ്പിച്ചിട്ടുണ്ടാവും”

അവളുടെ മനസ്സ് സന്തോഷത്തിന്റെ അതിര്‍ത്തി കടന്ന പോലെ. ആദ്യമായി മോള്‍ക്ക് ഒരു കളിപ്പാട്ടം തേടിയിറങ്ങിയതാണ് . തിരക്കില്‍ നിന്ന് ഒഴിഞ്ഞ് നില്‍ക്കുന്ന ഈ കടയില്‍ കേറാന്‍ പറഞ്ഞതും ഇവള്‍ തന്നെ.
അത് വരെ എന്ത് വാങ്ങണം എന്ന കണ്‍ഫ്യൂഷനായിരുന്നു അവള്‍ക്ക്. കേറി പാവകുട്ടികളുടേ കോര്‍ണറിലേക്ക് നടന്നപ്പോള്‍ തന്നെ അവള്‍ കൂക്കുന്ന ശബ്ദമാണ് കേട്ടത്. ചെ. മോശമായി എല്ലാരും ശ്രദ്ധിച്ചു. പണ്ടേ ഇവള്‍ ഇങ്ങനെയാ അപ്രതീക്ഷിതമായത് എന്ത് സംഭവിച്ചാലും കൂക്കും.

“എടി. എന്താടി. ആളെ നാറ്റിക്കല്ലേ.

അതെല്ലാടാ. സോറി.

നോക്ക് നീ ഇത്

ഈ നീല കണ്ണുള്ള പാവകുട്ടിയെ.

ആ വെള്ള ഉടുപ്പിട്ട

ഡാ ഇതിന്റെ കൈകള്‍ ഇളകുമോടാ

നോക്ക് അത് തന്നെ, ഇതാ ഇളകുന്നു.
ഡാ പാട്ട് പാടുന്നു
ഓ..
മുടി നോക്കടാ
അത് തന്നെ
രണ്ട് ഭാഗവും
പിരിഞ്ഞിട്ട്
മുഖത്ത് അതേ മേക്കപ്പ്.. ഡാ
എനിക്ക് വയ്യടാ.
നോക്ക് നീ
അത് തന്നെ.

“എന്താടി നിനക്ക്. ഏത് തന്നേന്ന്”

പറയാം നീ വാ. ഇത് മാത്രം മതി നമ്മുടെ മോള്‍ക്ക്. നീ വാ. നമ്മുക്ക് പോവാം.

അവളും കാറില്‍ കേറിയിട്ട് പെട്ടെന്ന് ഒന്നും പറയാതെ മിണ്ടാതിരുന്നു. പക്ഷേ മുഖത്ത് അമ്പരപ്പ് ബാക്കിയുണ്ട്.

“എന്തായാലും നന്നായി നീ പെട്ടെന്ന് തന്നെ സെലക്റ്റ് ചെയ്തത് , എവിടെനിന്ന് കണ്ടാതാ ഇത് നീ. കൂക്കാന്‍ മത്രമൊന്നുമില്ലില്ലോ. തല്ല് കിട്ടാഞ്ഞിട്ടാ നിനക്ക്.മനുഷ്യരെ നാറ്റിക്കാന്‍”

ഡാ നിനക്കറിയോ വയനാട്ടില്‍ ഉമ്മക്കൊരു അമ്മായിയുള്ളത്. അമ്മായിക്ക് ഒരു മോനുണ്ടായിരുന്നു. നിന്റെ പേരാ. മാനൂന്നാ എല്ലാരും വിളിക്ക. പാവായിരുന്നു. എല്ലാരോടും നല്ല സ്നേഹായിരുന്നു. പക്ഷേ നശിപ്പിച്ചു. മരണം സ്വയം വരുത്തി വെച്ചതാ പാല്‍ കുടിച്ചാ മരിച്ചതാ.

“പാല്‍ കുടിച്ച് മരിക്കേ. നീ എന്താ പറയുന്നേ ഡീ”

ഹ ഹ ഹ. അതല്ലടാ. ഓഹോ സേറി. മാമ്മന്‍ അങ്ങനേ പറയുക. കള്ളാണ് മാമന്‍ പാല്‍.

ചെറുപ്പതില്‍ അവരുടെ വീട്ടിലേക്ക് പോവാന്‍ എനിക്ഷ്ടായിരുന്നു. ബസ് ഇറങ്ങി കഴിഞ്ഞാല്‍ പിന്നെ കാള വണ്ടിയില്‍ പോവണം. 25 മിനിറ്റോളമുണ്ട് പോവാന്‍. നല്ല രസായിരുന്നു

അവിടെ എത്തിയാല്‍ ആദ്യം മുകളിലേ റൂമിലേക്ക് പോവും. അവിടെ മാനുന്റെ ഉമ്മ കിടക്കുന്ന റൂമില്‍.

ഒരു പാട് പ്രായമുള്ള സ്ത്രീയാ. പിന്നെ ആ റൂമില്‍ ഒരു പാട് കളിപാട്ടമുണ്ടാകാറുണ്ട്. വയസ്സായാല്‍ കുട്ടികള്ക്ക് സമാ എന്നൊക്കെ കേട്ടിട്ടില്ലേ. സത്യാ. മനൂന്റെ ഉമ്മ അങ്ങനായിരുന്നു

എന്നും അവിടേ പോകുമ്പോള്‍ ആ ഉമ്മയുടേ കട്ടിലിനടുത്തുള്ള മേശയില്‍
കൈകള്‍ ഇളകുന്ന
നീലകണ്ണുള്ള
നല്ല വെള്ള ഉടുപ്പിട്ട
രണ്ട് ഭാഗവും മുടി പിരിഞ്ഞിട്ട
നല്ല ഹീല്‍ ഉള്ള ഷൂ ഇട്ട
രണ്ട് കവിളിലും രോസ് കളര്‍ മേക്കപ്പ് ഇട്ട
പാട്ട് പാടുന്ന ഒരു കൊച്ചു പാവകുട്ടിയുണ്ട്.
പിന്നെ അവിടെയൊക്കെ ചുറ്റി കറങ്ങും. ആ നേരത്തും ആ പാവകുട്ടിയെ എങ്ങാനാ തൊടാ എന്നാ മനസ്സ് ചിന്തിക്കാ‍. നിനക്കറിയില്ല അന്നേരത്തെ എന്റെ ആഗ്രഹം.

പിന്നെ തിരിച്ച് പോവാനാകുന്ന നേരത്ത് ഒന്നൂടി പോയി നോക്കും. മാനൂന്റെ ഉമ്മ ഉറങ്ങാണെങ്കില്‍ ഒന്ന് തൊട്ട് നോക്കി ഓടി വാരാം എന്ന്. ഡാ പക്ഷേ ഉറങ്ങുകാണേലും ഒന്ന് തൊടാന്‍ പോലും എന്റെ കുഞ്ഞ് കൈകള്‍ക്ക് കഴിയില്ലായിരുന്നു.
ഞാന്‍ കുറേ ശ്രമിക്കും. പക്ഷേ കട്ടില്‍ ഉയരത്തിലാ. എത്തുന്ന് വിചാരിക്കും അപ്പോ എന്ത് സന്തോഷാന്നറിയോ. എത്തൂലാ. അങ്ങനെ എത്രയോ തവണ കണ്ണ് നിറച്ച് നിരാശയായി ഇറങ്ങി പോന്നിട്ടുണ്ട്.

പിന്നീടൊരിക്കല്‍ രാവിലെ നേരത്തെ വിളീച്ചുണര്ത്തി മാമി നമുക്ക് വയനാട്ടില്‍ പോകാണം വേഗം ഡ്രസ്സ് ചെയ്യ് എന്ന് പറഞ്ഞു. അങ്ങനെ അന്ന് പോയി. മനസ്സ് നിറയെ പ്രര്‍ത്ഥനയായിരുന്നു അപ്പോള്‍. ആ നീല കണ്ണുള്ള പാവയെ ഇന്നെങ്കിലും തൊടാന്‍ ക്ഴിയണേ, അല്ലങ്കില്‍ ആ ഉമ്മ എന്നെ കളിക്കാന്‍ കൂട്ടണേ അങ്ങനെ അങ്ങനെ.‍

അവിടേ പോയപ്പോ നമ്മെ സ്വീകരിക്കാന്‍ ആരുമില്ലയിരുന്നു. എല്ലാരും തല താഴ്ത്തി മിണ്ടാതിരിക്കുന്നു.. ഞാന്‍ അതൊന്നും ശ്രദ്ധിക്കാതെ മുകളിലേക്ക് പറ്റിപിടിച്ച് കയറി. അവിടെ റൂമില്‍ ആരുമില്ല. പാതി അടിച്ചിരിക്കുന്നു ആ റൂം.. ഞാന്‍ പോയി നോക്കിയപ്പോ ഉമ്മയില്ല. ബാത്ത് റൂമില്‍ പോയികാണും എന്ന് കരുത് സന്തോഷിച്ചു. ആ പാവയെ ഇന്നെങ്കിലും തൊടാലോ. കട്ടിലില്‍ എത്തി നോക്കിയപ്പോ ആ പാവകുട്ടിയെ കാണാനില്ല. അവിടേ റൂം മൊത്തം പരതി. അവസാനം കട്ടിലിനടിയില്‍ നിന്ന് കിട്ടി. ഹോ എത്ര സന്തോഷതോടായിരുന്നു എന്നറിയോ ആ കട്ടിലിനടിയില്‍ നിന്ന് പാവ കയ്യിലെടുത്തത്. എന്താ പറയാ. ലോകം കീഴടക്കിയ സന്തോഷം.

കെട്ടി പിടിച്ചു
ഉമ്മ വെച്ചു
നടത്തിച്ചു
ഓടിച്ചു

കുറേ കഴിഞ്ഞിട്ടും ഉമ്മയെ കാണാഞ്ഞിട്ടും അതുമായി താഴെ ഇറങ്ങി. അപ്പോ അവിടെ ആരെയോ വെള്ള പുതപ്പിച്ചു കിടത്തിയിരിക്കുന്നു. മാമി പറഞ്ഞു. മനുന്റെ ഉമ്മ മരിച്ച് പോയിരിക്കുന്നു എന്ന്.

മരിച്ചാല്‍ പിന്നെ ഒരിക്കലും തിരിച്ച് വരില്ലാന്നറിയാമായിരുന്നു. പെട്ടെന്ന് ആ പാവ കുട്ടിയെ താഴെയിട്ടു. മുമ്പ് എന്നെ കളിക്കന്‍ കൂട്ടാഞ്ഞിട്ടും പാവയെ തൊടാന്‍ തരാതിരുന്നിട്ടും ദേഷ്യം തോന്നിയിരുന്നെങ്കിലും രസായിരുന്നു ആ ഉമ്മയുടെ കൈ കണ്ടിരിക്കാന്‍. ആ ചുളുങ്ങിയ തോലുള്ള കൈ തൊടാന്‍.. നല്ല രസായിരുന്നു. ഇനി ആ പാവ കുട്ടിയെ തൊടുമ്പോള്‍ വിലക്കാന്‍ ആരുമില്ല, അറിയാമായിരുന്നു അപ്പോ.
പക്ഷേ അത് ഞാന്‍ എടുത്തില്ല. നോക്കി നിന്നു കുറച്ച് നേരം. പിന്നെ മാമി കൈ പിടിച്ച് റൂമിലേക്ക് കൊണ്ട് പോയി. ആരെക്കെയോ ചേര്‍ന്ന് ഒരു പെട്ടിയിലാക്കി കൊണ്ട് പോയി ആ ഉമ്മയെ. വണ്ടി സമയമായപ്പോ നമ്മളും പോന്നു.
യാത്ര പറഞ്ഞിറങ്ങുമ്പോള്‍ ആ നീല കണ്ണുള്ള പാവകുട്ടി എന്നെ കൂടി കൊണ്ട് പോ. ഇനി ഞാന്‍ ഇവിടെ തനിച്ചാ എന്നൊക്കെ പറയുന്ന പോലേ. ഡാ
കുറച്ച് ദിവസം അതൊക്കെ തന്നെയായിരുന്നു മനസ്സില്‍. പിന്നീടെപ്പൊയോ മറന്നു. ഇപ്പോ ഒരൊറ്റ നോട്ടത്തില്‍ എങ്ങാനാഡാ എല്ലാം ഓര്‍മവന്നേ..
എന്നെ ഒരു പാട് കൊതിപ്പിച്ച പാവയായിരുന്നെങ്കിലും
ആ പാവയോടുള്ള കൊതിയും
അത് കിട്ടതിരുന്നപ്പോ ഉള്ള സങ്കടവും
അത് തൊട്ടപ്പോ ഉള്ള സന്തോഷവും.
പിന്നെ ആര്‍ക്കും വേണ്ടാതെ അതവിടെ കിടന്നപ്പോ
ഉണ്ടായ ആ മനസ്സും.
എന്തേ ഇത് വരെ ഞാന്‍ ആരോടും പറയാതിരുന്നത്. ഇപ്പോ എത്രയോ വര്‍ഷങ്ങള്‍ക്ക് ശേഷം എങ്ങാനാ അതേ പാവയെ ഒരൊറ്റ ദൂരത്തോടെയുള്ള നോട്ടത്തില്‍ ഓര്‍ത്തത്. എന്നിട്ട് വെറുതേ ഇങ്ങനെ നിന്നോട് സങ്കടത്തോടെ പറയുന്നത്. നമ്മുടേ മോള്‍ക്ക് ആദ്യമായി വാങ്ങാന്‍ പോയപ്പോ ഈ പാവയെ തന്നെ എനിക്ക് വാങ്ങാന്‍ തോന്നിയത്.
ഡാ ശരിക്കും ഇത് അന്ന് ഞാന്‍ ഒറ്റക്കാക്കിയ ആ പാവ തന്നെയാണോ ഡാ.
അവള്‍ ശരിക്ക്‌ വിയര്‍ത്തിരിക്കുന്നു.
നിന്നോടാ ചോദിച്ചേ അത് തന്നെയാണോടാ....

എന്താ ഞാന്‍ പറയാ..അവളോട്‌..

ഇപ്പൊ ഞാനും കണ്‍ഫ്യൂഷനിലാണ്.. ഒന്നും ഒറ്റയടിക്ക് മനസ്സില്‍ പിടിക്കാത്ത അവള്‍ എങ്ങനെയാ ഒരു നോട്ടത്തില്‍ ഈ നീല കണ്ണുള്ള പാവകുട്ടിയെ എടുത്തേ

ജൂണിന്റെ നഷ്ടങ്ങള്‍

2009-06-28T11:32:00.001+03:00

ചെറുപ്പത്തില്‍
പുത്തനുടുപ്പിനേക്കാള്‍
കുടകമ്പിയില്‍ നിന്ന്
ഇറ്റുന്ന
വെള്ള തുള്ളികളെ
ഈമ്പികുടിക്കുന്നതിനായിരുന്നു
ഈ തിമര്‍ത്ത് പെയ്യുന്ന മഴക്കാലത്തെ
സ്നേഹിച്ചത്

ജൂണ്‍
എന്തേ
നീ
ഇപ്രാവശ്യം നൊമ്പരം
നല്‍കുന്നത്
പ്രണയത്തെ
ജീവിതമാക്കിയ
കമലയും
പച്ചയായ ജീവിതത്തെ
വരച്ച് നല്‍കിയ
ലോഹിയേയും
നിന്റെ പെയ്യുന്ന
കണ്ണീര്‍ കഷ്ണത്തില്‍
ഒളിപ്പിച്ച് വെച്ച്
കൊണ്ട് പോയത്

ഇപ്പോ
എന്തോ
പച്ചമണ്ണിന്റെ മണം നല്‍കുന്ന
നീ
കറുത്ത വസ്ത്രമണിഞ്ഞിരിക്കുന്നത്
എനിക്ക്
വിറളിപിടിപ്പിക്കുന്നു.
കീരികാടനെ കൊന്ന
സേതുമാധവനെ പോലെ
ഞാനും
പ്രതികരിച്ചേക്കാം

അത് കൊണ്ട് ജൂണ്‍ നീ വിടപറയുക
ഇനിയും
കറുത്ത വസ്ത്രമണിയാതെ

എന്റെ തലയും പരിശേധിക്കേണ്ടതുണ്ട് ( വരദാചാരി + ലാവ്ലിന്‍ )

2009-06-21T17:51:00.003+03:00

കുട്ടിത്തത്തിന്റെ

മനസ്സില് കേട്ടതാണ്

ഒരു ആട്ടിന് കുട്ടം

വെളുത്ത രോമങ്ങള് മാത്രം പുറത്ത്

ഉള്ളില്

ചെന്നായ്കളായിരുന്നു എന്നത്

അന്ന് നിക്ഷ്പക്ഷത

എന്തെന്നറിയാത്തത്

കൊണ്ട്

മനസ്സില് പതിഞ്ഞു പോയി

അവന് മറ്റേ രാഷ്ട്രിയകാരനാണ്

കൂടേ വലിയ

വീട്ട്കാരനായ

ചെത്തുകാരനും

കളവേ പറയൂ

ഇവന്

ഓഫിസറാണ്

കൂടേ ബ്രാഹമണനും

സത്യമേ പറയൂ

മറവികള്

അനുഗ്രഹമാവുന്നത്

നിക്ഷ്പക്ഷ പത്രങ്ങള്ക്ക്

ആട്ടിന് കൂട്ടത്തിന്റെ

മനോഹരിത നല്ക്കുന്നു

എനിക്കും തല

പരിശേധിക്കേണ്ടതുണ്ട്

ചീഞ്ഞളിഞ്ഞ

രാഷ്ട്രിയ

ബോധത്തിനിടയില്

ചിരിക്കാന് കഴിയുന്നത് കൊണ്ട്

മാരിച്ചന്റെ ഒളിയമ്പുകളില്‍ വാ‍യിക്കുക

തല പരിശോധിച്ചപ്പോള്‍ തെളിഞ്ഞത്....!!

റിവേര്‍സിനും ഫാസ്റ്റിനുമിടയില്‍ സ്റ്റില്ലായിരുക്കുന്ന ഒരു പെണ്‍കുട്ടിക്ക്

2009-05-19T22:29:00.062+03:00

മനസ്സിന്റെ ചെറിയ ഇടവേളയില്‍
അവള്‍ എനിക്ക് തന്നതാണ്
ഈ റിമോട്ട്.
ഒരു പാട് വട്ടം ചോദിച്ചു. അന്ന്
അതൊന്ന് തരുവാന്‍

ചുവപ്പ് നിറമുള്ള
ഇടത് ഭാഗത്തുള്ള ബട്ടണ്‍
ഒന്നമര്‍ത്താന്‍ പറഞ്ഞു
അവള്‍...

സ്വപ്നങ്ങള്‍
ഒന്നിന് പിറകേ ഒരു പാട്..
ദുഖങ്ങള്‍ അവസാനമില്ലാതെ,
തളര്‍ന്ന കാഴച്ചകളും
ചിതറിയ സ്വപ്നങ്ങളും എല്ലാം
എന്റെ നേരെ ഓടി വന്നു.

പേടിച്ച് പോയി ഞാന്‍
ഒന്നും മിണ്ടാന്‍ കഴിയാതെ

അവള്‍ ചിരിച്ചു
എന്റെ മൌനം കണ്ട്

വലത് ഭാഗത്തുള്ള
കറുത്ത ബട്ടണ്‍ എനിക്ക് കാണിച്ച്
തന്നു
ഒന്നമര്‍ത്താ‍ന്‍...

ക്ലിയറുകളില്ലാത്ത ചാനല്‍ പോലെ
കുറേ ചിത്രങ്ങള്‍
ഒന്നിനും കാഴച്ചകള്‍
പരിപൂര്‍ണ്ണമല്ല.
എല്ലാത്തിനും
മങ്ങിയ ഷാഡോയും

നീ ഈ കാഴ്ച്ചകള്‍
നിറങ്ങള്‍
കൊണ്ട് പൊതിഞ്ഞ്
തരാമെന്നാണോ പറഞ്ഞത്

ആകുമായിരിക്കും അല്ലേ ചിലപ്പോള്‍..

കയ്യിലെ റിമോട്ടില്‍
കാഴ്ച്ചകള്‍
നിറം പിടിപ്പിക്കാന്‍ എനിക്ക് കഴിയും
എന്നൊരു തോന്നല്‍

എനിക്ക് തരാമോ
ഈ റിമോട്ട്
ഞാന്‍ ഈ നടുവിലുള്ള
വെളുത്ത ബട്ടണില്‍
നിറം പൂശിതരാം
മെല്ലേ മെല്ലേ
അത് റിവേര്‍സിലേക്കും
ഫാസ്റ്റിലേക്കും
പരന്ന് കൊള്ളും..
എനിക്ക് കഴിയും

അവളിലും
ആഗ്രമുണ്ടായിരുന്നു
സ്വപത്തിന്റെ രാജകുമാരിക്ക്
നിറത്തില്‍
കിടന്നുറങ്ങുവാന്‍

ഞാനെടുത്തു
അവളും പ്രതീക്ഷിച്ചു
കുറേ നിറങ്ങള്‍

ചിതലരിച്ച ദിവസങ്ങള്‍
എന്നോട് അവളിന്ന്
റിമോട്ട് തിരിച്ച്
ചോദിച്ചു..
ഇപ്പോള്‍ പോവുന്ന മങ്ങിയ കാഴച്ചകളും
നഷ്ടപെടും എന്ന് അവള്‍
അറിഞ്ഞിട്ടുണ്ടാവാം..

ഇതിനിടയില്‍
അറിയാതെ സ്റ്റിലില്ലില്‍
എന്റെ വിരല്‍ അമര്‍ന്നിരുന്നു..

നിറങ്ങളുടെ രാജകുമാരിക്ക്
പുതിയ ഒരു മങ്ങിയ കാഴ്ച്ച
കൂടി
ഞാന്‍ കൊടുത്തു,,,
പരിഭവങ്ങള്‍ ഇല്ലാതെ
അവള്‍ അതേറ്റ് വാങ്ങി എന്നെ നോക്കി ചിരിച്ചൂ

image-shadow_walker

കോളേജ് കാലത്തെ എന്റെ ഏറ്റവും വലിയ ഫ്രണ്ടിനെ ഇന്ന് ഓര്‍ത്തപ്പോള്‍, അവളിപ്പോള്‍ എന്ത് ചെയ്യുകായണവോ..

ചിലര്‍ മതിലുകള്‍ നിര്‍മ്മിക്കുന്നു....

2009-04-05T14:22:00.002+03:00

ഈ നേരത്ത്

കാഴച്ചകള്‍ സങ്കീര്‍ണ്ണമാണ്

വഴുതലും

തപ്പിതടഞ്ഞുള്ള നടത്തവും

ബോധം കെടുത്തുന്നു

കൂടേ

ഇരുളടഞ്ഞ

വഴികളും

കൂടിയാമ്പോള്‍

കണ്ണിന് പുകച്ചില്‍ മാത്രം

കുറേ മുമ്പ്

വഴികളില്‍

പ്രകാശം ഞാന്‍ കണ്ടിരുന്നു

ചെറുപ്പത്തില്‍

ഒറ്റക്കിരുന്ന്

വായനശാലയിലെ

തുറക്കാത്ത

ബുക്കുക്കള്‍

വായിച്ചിരിക്കുമ്പോള്‍

ഹ്രദയം മുറിക്കുന്ന

പഴയ കവിതകള്‍

മെല്ലേ

കേള്‍ക്കുമ്പോള്‍

അന്ന്

എന്റെ ചിന്തയിലൂടെ

വന്ന വഴികളില്‍

നിറയേ

വെളിച്ചമായിരുന്നു

ആ വെളിച്ചത്തിലൂടെ

ഞാനും കുറേ സഞ്ചരിച്ചു

കുറേ ഇരുട്ടുകളില്‍

ആ ഒരു വെളിച്ചം

മാത്രം ഞാന്‍

കണ്ടിരുന്നു

എവിടെ

നിന്നാണ്

വെളിച്ചം നശിക്കപെട്ടത്

അതോ

ഏതോ

മതില്‍ കൊണ്ട്

അതിനേ

ചിലര്‍

മറച്ചതോ

ശങ്കരപ്പിള്ളയുടെ

ദീപത്തിലെ

അന്ധനെപോലെ

എനിക്കും

ചികയേണ്ടതുണ്ട്

ആ മതിലിനെ

തച്ച്

തകര്‍ക്കേണ്ടതുണ്ട്...

കരീമുല്ല...(വരുണ്‍ ഗാന്ധി)

2009-03-18T10:03:00.005+03:00

കരീമുല്ല
തിളപ്പിച്ച വെള്ളം
തണുപ്പിച്ച്
മെല്ലെ കുളുപ്പിക്കുമ്പോള്
അമ്മായിയാണെന്നെ
വിളിച്ചത്..

ഉണങ്ങിയ
പ്ലാവിന്റെ
ചില്ലകളില് വലിഞ്ഞ് കയറിയ
എന്നെ
മനോഹരനും
കരീമുല്ല എന്ന്
തന്നെ വിളിച്ചു..

ടൈഗര്
ഒരു പട്ടി…
ഞാനവനെ
എന്റെ മനസ്സിലും
കൂട്ടിലുമിട്ട് വളര്ത്തി.

പട്ടിയെ
പട്ടിയായി തന്നെ
എന്റെ കണ്ണൂകള്ക്ക്
അന്ന്
കാണാന് സാധിച്ചുള്ളു..

ഒരു മേനകവന്നു
എന്റെ കണ്ണിനെ
അന്നവള് കുത്തിപൊട്ടിച്ചു.

അന്നും മനോഹരന്
സാരമില്ല കരീമുല്ല
എന്ന് തന്നെ പറഞ്ഞു..

പിന്നെ
മറ്റെരാള്
എന്നെ രാത്രിയില്
കണ്ടു..
ഞാന് ഭയന്നു എന്നവന്
ഉറക്കെ വിളിച്ച്
പറഞ്ഞിരുന്നു

അന്നും മനോഹരന്
സാരമില്ല കരീമുല്ല
എന്ന് തന്നെ പറഞ്ഞു..

ടിക്കറ്റ് വേണമായിരുന്നു.
പേര് ചോദിച്ചു..
"കരീമുല്ല"
അയാളുടെ കൈകള്
വിറക്കുന്നത് ഞാന് കണ്ടു..
ചുറ്റിലും
ആളുകള് തുറിച്ച്
നോക്കുന്നു..

അന്ന് മനോഹരന് പറഞ്ഞു
എനിക്കും പേടിയാകുന്നു ഭായി
നിന്റെ പേര് പറയാന്

നിന്നെ നോക്കാന്‍

എന്തേ ഞാന്‍

ഒരു പട്ടി പോലും

അവര്‍ക്ക്

ആകാതിരുന്നത്

അസഭ്യം - സഖാവും ഷാജി കൊലാസും

2009-03-16T10:35:00.009+03:00

മിനിയാന്ന്
പണ്ടത്തെ
അടുത്ത വീട്ടിലെ കുട്ടിയുടെ
രോഷം കണ്ടു.
കിടന്ന് പുളയുന്നുണ്ടായിരുന്നു
കൈകാലുകള്‍
മുഖത്ത്
ഹോളിയുടേ
നിറങ്ങള്‍ പോലേ
പലതും മിന്നിമറയുന്നത് കണ്ടു.
സ്ത്രീകളേട്
അസഭ്യം പറയുന്നതിനെ
കയ്യടിച്ച് സ്വികരിക്കുമെന്ന്
ഷാജിയോടാരാണ് പറഞ്ഞത്

ഇന്നലെ
ചുവന്ന മുളക്ക് കടിച്ചു
കുറച്ച് മുമ്പ്
അഗ്രഹാരത്തിലെ
ചിന്താമണിയിലുമുണ്ടായിരുന്നു
ഒരു കല്ല് കടി.
വെറുതേ
സ്ത്രീകളോട്
അസഭ്യം എന്നപോലെ
വെറുതേ
ഒരു സഖാവ് അസഭ്യം

സഖാവ് സമം അസഭ്യം
സഖാവ് സമം അസഭ്യം
എന്ന് മൂന്ന് വട്ടം പറഞ്ഞാ‍ല്‍
ചിലപ്പോള്‍ അതായിരിക്കും
ഇനി അര്‍ത്ഥം

ഉര്‍വശിയുടെ അഭിമുഖം സൂര്യയില്‍ ചിരിച്ചിരുന്നു കണ്ടു. ആരോഗ്യപരമായ ഒട്ടേറേ വിമര്‍ശനങ്ങളാണ് നടത്തിയതെങ്കിലും ഒരു തമാശ പരിപാടി പോലെ കണ്ടിരുന്നു. സൂപ്പര്‍സ്റ്റാറിന്റെ മുണ്ട് പൊക്കുമ്പോള്‍ ഒരു സൌണ്ട് കുത്തുമ്പോള്‍ വേറെ ഒരു സൌണ്ട്.(ആ സമയത്ത് ഉര്‍വശിയുടെ മുഖം കണ്ടാല്‍ ചിരിച്ച് പോവും. ഉര്‍വശിയെ ചെറുപ്പത്തില്‍ എന്റെ ഇഷ്ട നടിയായി കണ്ടിരിന്നു. ഈ അയലത്തെ കുട്ടി ഫെയിസ് കാരണം). അങ്ങനെ അങ്ങനെ…
കൂടുതലും നല്ല നിശിത വിമര്‍ശനങ്ങളായിരുന്നു. ഇതിനിടയിലാണ് ഷാജികൈലാസ് ടെപ്പ് സിനിമയെയും വിമര്‍ശിച്ചത്.
എന്റെ ചിന്ത അതല്ല. മുമ്പ് കരുതികൂട്ടി മലയാളത്തിലെ സിനിമയിലൂടെ സംഘപരിവാര്‍ചേദനകളെ ഉയര്‍ത്തുന്ന തലത്തിലായിരുന്നു ഷാജിയുടെ സിനിമകള്‍ എന്ന് എനിക്ക് തോന്നിയിട്ടുണ്ട്. രഞിത്തിന്റെ തിരകഥയിലൂടെ വന്നവയും. ഷാജിയെക്കാള്‍ രഞിത്തിനെയാണ് എനിക്ക് അന്ന് അങ്ങനെ ഒരു ഹിഡണ്‍ അജണ്ഡ ഉള്ളതായി തോന്നിയതും.
പിന്നെ രഞിത്ത് സ്വതന്ത്ര സംവിധായകനായി. ഒരു സിനിമ പോലും പിന്നെ ആ ശൈലിയില്‍ കണ്ടിട്ടില്ല ആ സംവിധാനത്തില്‍. ഷാജികൈലാസിനോടൊപ്പമല്ലാതേ വേറേ കുറേ സിനിമകള്‍ക്കും രഞിത്ത് തിരകഥകള്‍ എഴുതിയിട്ടുണ്ട്. അതിലും ആ ഒരു ടൈപ്പ് കാണുന്നില്ല.അല്ലങ്കില്‍ ഓര്‍മയിലില്ല
ഇപ്പോള്‍ അടുത്ത് ഷാജിയുടെ പുതിയ സിനിമകളായ ചിന്താമണി കൊലകേസിലും റെഡ്ചില്ലീസിനും, തിരകഥ എഴുതിയത് സാജനാണ്. ആ സിനിമകള്‍കെല്ലാം കരുതികൂട്ടി സഖാവ് സഖാക്കന്മരുടെ മക്കള്‍, എന്ന പദങ്ങളെ തെറ്റുകാര്‍ എന്ന തലത്തിലേക്ക് കരുതികൂട്ടി കൊണ്ട് പോവുന്നതായി എനിക്ക് തോന്നുന്നു
സിനിമകാണുന്ന അളുകളുടെ (പ്രത്യേകിച്ച് വൈകാരികമായ ഈ തലത്തിലുള്ള കഥകള്‍) മനസ്സുകളില്‍ തെറ്റുകാര്‍ എന്ന് തന്നെയാണ് പുതിയ സഖാക്കളുടെ അര്‍ത്ഥം എന്ന് ഉറച്ച് പോവുന്ന തരത്തിലാണ് ആ വാക്കുകള്‍ക്ക് സ്ഥാനം നല്‍കുന്നത്.സാജന്റെ മറ്റ് സിനിമകള്‍കെന്നും ഈ പ്രശന്ം കാണുന്നില്ല.. സോ എന്ത്കൊണ്ടാണ് സാജനും രഞിത്തും എല്ലം ഷാജിയോടൊപ്പം നില്‍ക്കുമ്പോള്‍ ഈ തലത്തിലുള്ള സിനിമകള്‍ വരുന്നത്…

ചില കറുത്ത അക്കങ്ങളും വെള്ള കടലാസും (ആണവ കരാറില്‍ 6000കോടിയുടെ നഷ്ടം :സി എ ജി റിപ്പോര്‍ട്ട്)

2009-03-07T11:45:00.007+03:00

ഒന്ന്
ചായ
രണ്ട്
കക്കൂ‍സ്
എന്ന് പറയുന്ന കാലത്തേ
ഒരു വെള്ള കടലാസ്
ചില കറുത്ത
അക്ഷരങ്ങള്‍
അവക്ക് കൂട്ടായിരുന്നു

അങ്ങനെ അങ്ങനെ
സമരങ്ങള്‍ ചോരകളായും
ഇങ്ക്യിലാബ് ആഭാസങ്ങളായ്യും
എനിക്ക്
ഒരു വശത്ത് മാത്രം കാണാനായി

പക്ഷേ അന്നും
സി എ. ജി യും
സി ബി ഐ യു
പാമോയിലും
പഞ്ചസാരയും
ചിലനേരത്ത്
വലിയ
ഇടവേളകളില്‍
മറു വശത്ത്
ഞാന്‍ കണ്ടിരുന്നു

ഒരു ഒറ്റ
തിരിഞ്ഞ് നോട്ടത്തില്‍
എല്ലാം മറഞ്ഞിരിക്കുന്നു
സി.എ.ജിയും
സിബിഐയും
അണിനിരക്കുന്നു
ആ ഒരു വശത്ത്

പിന്നെ പിന്നെ
ചോരകള്‍
പോലേ
ആഭാസങ്ങള്‍
പോലേ
സി.എ.ജിയും
ആ ഒരു വശത്തിന്റെ
മാത്രം പേറ്റന്റായി..

അന്ന് മുതലായിരിക്കും
സി.എ.ജി എന്ന
വാക്ക്
വരുന്ന
കറുത്ത അക്കങ്ങള്‍
വെളുത്ത പേപ്പറില്‍
നിന്നു
അപ്രത്യക്ഷമാകാന്‍ തുടങ്ങിയത്..

അഭിലാഷിന്റെ ശരിക്കും കേള്‍കാത്ത ഒരു വാര്‍ത്ത ഇവിടെ വായിക്കാം

http://kelkkaththavarththakal.blogspot.com/2009/03/blog-post.html

ഒരു യാത്രയുടെ അവസാനം....(പ്രവാസികള്‍)

2009-02-22T13:12:00.002+03:00

ഒരു അവധിക്ക്

റോഡില്‍ നിറയെ ബ്ലോക്ക്
റോഡ് പണിയായിരിക്കും
കാഴ്ചയുടെ വിള്ളലുകളിലൂടെ
കുറേ തമിഴന്മാരെ കണ്ടു.
മണ്ണിനെ മുറിവേല്‍പ്പിക്കുന്നവര്‍
കുറേയെണ്ണമുണ്ട് മണ്ണിനെ
മുറിവേല്‍പ്പിച്ച് നടക്കുന്നവര്‍
റോഡ് സൈഡിലേ വിരിപ്പിലേക്ക്
കേറി കിടക്കുന്നുണ്ട്
ഒരു അണ്ണാച്ചി കുട്ടി

മറ്റൊരവധിക്ക്

നഗരത്തിന്റെ ഇടവഴിയിലൂടെ
ഒന്ന് നടന്ന് പോവണം
ഇടവഴി നിറയെ മറ്റേതോ ആളുകള്‍
ശരീരം നിറയെ സിമന്റിന്റെ
ബാക്കിപത്രങ്ങള്‍
ബംഗാളികളും ഒറീസക്കാരും
പിന്നേ മറ്റേതെക്കെയോ ജീവജാലങ്ങള്‍
ഒന്നോ രണ്ടോ അണ്ണാച്ചികളും

ചോദിക്കാതേ വച്ച് നീട്ടിയ
കാലാവധിയില്ലാത്ത
നിര്‍ബന്ധിത അവധിക്ക്

റോഡ് ശൂന്യം
കച്ചവടക്കാര്‍ മാടി വിളിക്കുന്നു
ചിതറിയ കാഴ്ച്ചകളാണ്
ചുറ്റിലും
സ്റ്റേഷനില്‍ തമ്മില്‍ തല്ല്
ഫ്ലാറ്റ് ഫോമില്‍ നിറയെ വിരിപ്പുകള്‍
വിരിപ്പുകള്കടിയില്‍
അടയാളങ്ങളില്ലാത്ത
കുറേ ചരക്കുകള്‍
ജീവന്‍ മാത്രം നിലനിറുത്തുന്നവര്‍
കൂടേ ചിഹ്നങ്ങളും
ഒരു യാത്രയുടെ അവസാനത്തിന്റെ
അതിനിടയിലേക്ക്
ഒരു മൂലയില്‍
മറ്റെരു വിരിപ്പിനടിയിലേക്ക്
ഞാനും ഒതുങ്ങിനിന്നു
ഇനി
എനിക്ക്
ഇവിടെ ശരിക്കും എന്ത് പണിയാണറിയുക

?

ചുറ്റിലുള്ള അണ്ണാച്ചികളും ഒറിയക്കാരും
പിറുപിറുക്കുന്നുണ്ട്
ഒരേ തെണ്ടികള്‍ വരും
നമ്മുടെ പണി കളയാന്‍

കണ്ണാടി നോട്ടം…

2009-02-14T16:14:00.007+03:00

‘കളിയാട്ടകാവ്’
ഉറഞ്ഞതുള്ളിയ
പേടിപെടുത്തുന്ന
ചിത്രങ്ങള്‍ക്കിടയില്‍
എനിക്ക് ചിരിക്കാനുള്ളതാണ്

2 രൂപക്ക് ചിരിപ്പിക്കുന്ന
കണ്ണാടികള്‍ എന്നെ മാടിവിളിച്ചിട്ടുണ്ട്
ഒരിക്കല്‍ കരയുന്ന നേരത്ത്
ഞാന്‍ ചെന്നു
കണ്ണാടികള്‍ എങ്ങനെയാണ്
ചിരിപ്പിക്കുക എന്നറിയാന്‍
ഞാനന്ന് പൊട്ടി ചിരിച്ചു
എനിക്കറിയാം..
എന്നെ ചിരിപ്പിക്കാനാണ്
ആ കണ്ണാടികള്‍

ചില കണ്ണാടികള്‍
ഉയര്‍ത്തുന്നതാണ്
നോക്കുന്ന നേരത്തെല്ലാം
അത് നമ്മെ ഉയര്‍ത്തികൊണ്ടിരിക്കും.
ചില മാധ്യമക്കാരെ പോലേ.

മറ്റ് ചിലത്
വീര്‍പ്പിക്കുന്നതാണ്
എല്ലാ ഭാഗത്തേയും
അത് വീര്‍പ്പിച്ച് കെണ്ടേയിരിക്കും..
നിമിഷങ്ങള്‍ക്കകം
ഊര്‍ന്ന് പോവുന്ന

വെള്ളകുമിളകളെപോലെ.

ചിലതില്‍
ഇരട്ടിപ്പിക്കലാണ്
ഒരു പാട്
എന്നെ ഞാന്‍ അതില്‍
കണ്ടു.
ഞാനെന്ന
ഒരു ഒറ്റ
വ്യക്തിയെ പ്രസ്ഥനമാകുന്നത്
പോലെ..

പിന്നെ
ഞാന്‍
എന്നും ചിരിച്ചിരുന്നു..
ഒരിക്കല്‍
ചിരിക്കുന്ന
നേരത്ത് ഞാന്‍
ചെന്നു.
ചിരിപ്പിക്കുന്ന നേരത്ത്
കണ്ണാടികള്‍
ചിരിപ്പിക്കുമോ എന്നറിയാന്
ഞാന്‍ കരഞ്ഞു
ആരോ ആ കണ്ണാടികള്‍
എറിഞ്ഞുടച്ചിരുന്നു..
ചുറ്റിലും പച്ച സത്യങ്ങള്‍ മാത്രം..

വിദൂഷകന്റെ ഈ ചിന്ത വായിച്ചപ്പോള്‍ വെറുതേ പ്രാക്കിന് ചെയ്തത്

http://vidushakan.wordpress.com/2009/02/10/വിഎസ്സിന്-പുറത്തേയ്ക്കു/

ഒന്ന് +ഒന്ന് = മൂന്ന് ( താലിബാന്‍ # മംഗലാപുരം)

2009-02-07T10:24:00.006+03:00

ഒന്ന്- അവള്‍

തിരയുന്ന മുഖങ്ങളെ
ചലിക്കുന്ന ബുള്ളറ്റ്
മൂട്പടം കൊണ്ട്
കൊട്ടിയടച്ചു.
കാഴ്ച്ചക്കളെ
ബര്‍സയുടെ പേരും
പറഞ്ഞ്
ലൈവായി എഡിറ്റ്
ചെയ്ത്കൊണ്ടിരുന്നു..
ലോകം വികാരജീവിയായി…

രണ്ട് – ഇവള്‍
ഹായ്
ഒന്നവള്‍ പറഞ്ഞു.
അവള്‍കറിയില്ലായിരുന്നു
മുസ്ലിമായ
സഹപാഠിയുടെ
ചേട്ടനും മുസ്ലിമായിരിക്കുമെന്ന്..
ഹായ്
എന്ന് പറഞ്ഞതേ
അവള്‍ക്കറിയൂ..
പിന്നെ
ചലിക്കുന്ന ശൂലം
വളര്‍ന്ന് വരുന്നത്
ഒരു മിന്നായമായി
ബാക്കിയെല്ലാം എഡിറ്റായിരുന്നു…
ലോകം വിചാരജീവിയായി..

ഞാനും എന്റെ രാഷ്ട്രീയം ഇതാക്കിയാലോ എന്ന ചിന്തയിലാണ്,,

2009-01-31T19:07:00.002+03:00

ഇത് അയന ഇര്‍സ...
6 മാസങ്ങള്‍ക്ക് മുമ്പ് ക്രിത്യമായി പറഞ്ഞാല്‍ 2008 ജൂലായിലെ പിരിമുറക്കം നിറഞ്ഞ വൈകുന്നേരത്തില്‍ മനസ്സിനെ തണുപ്പിച്ച് സാരമില്ല ഉപ്പ ഇപ്പോള്‍ എല്ലാം ശരിയായില്ലേ എന്ന് പറഞ്ഞ് നങ്ങളുടെ അടുത്തേക്ക് വന്ന ഇനു...
ഡോക്ടര്‍ പറഞ്ഞു
06/07/08നായിരിക്കുമെന്ന്
അവള്‍ പറഞ്ഞു
04/07/08ന് തന്നെ എന്ന്
15 ദിവസം മാത്രം ലീവും പുതിയ വിസയും തന്ന് കമ്പനി റെഡിയായിരുന്നപ്പോള്‍
ആ സമയത്ത് ചെല്ലാം എന്ന് കരുതി ഞാന്‍ പുറപ്പെട്ടു...
03/07/08ന് അവിടെ എത്തി
ഞാന്‍ ചിന്തിച്ചു...
07/07/08ന് ആയിരുന്നെങ്കില്‍
ഇനു പറഞ്ഞു ഇന്നേഞാന്‍ വരൂവെന്ന്
10/07/08ന്....
വിസയുടെ നൂലാമാലയില്‍ 6 മാസം ഒരു സ്വപ്നം പോലെ ഇനുവിന്റെയും അവളുടെ ഉമ്മയുടേയും കൂടേ...
പോകുന്നതിന് മുമ്പ് ഞാന്‍ ഇവിടെ പറഞ്ഞു...ജീവിതം ഇങ്ങേനെയാണ് എന്ന്.. അത് തന്നെ എന്ന് ഞാന്‍ ഇന്നും അറിയുന്നു
ഇപ്പോള്‍ എല്ലാം ശുഭം.. മോളുടെ കരച്ചിലും ചിരിയും കൂടിയ തലോടല്‍ ഒഴികെ..

തുടര്‍ച്ച....വലയില്‍ വീണ വവ്വാലുകളാണ് നാം

2009-01-28T14:24:00.005+03:00

തുടര്‍ച്ചകള്‍ അങ്ങനെയാണ്..
പിന്തുടരുന്ന കാല്പാടുകളെ പോലെ..
ഒന്ന് നോക്കിയാല്‍ കാണാം.
തിരിഞ്ഞ് നോട്ടം വൈകിയാണെങ്കില്‍
ഓര്‍മിക്കാന്‍ ഒന്നും ബാക്കിയുണ്ടാവില്ല.

ചിലരുണ്ട്
പഴയ തോരണങ്ങളെ
അഴിച്ച് മാറ്റിയതിനെ കുറിച്ച്
വേവലാതി പെടുന്നവര്‍…
മറഞ്ഞ് പോയ
കാഴ്ച്ചകള്‍ തിരയുന്ന
വവ്വാലുകള്‍

വീണ്ടുവിചാര‍ങ്ങള്‍
സ്വവിമര്‍ശനങ്ങളല്ല…
വവ്വാലുകള്‍ അടുത്ത് നിന്നെങ്കിലും
തിരിച്ചറിയുന്നു…
മതില്‍കെട്ടുകളെ..

ചുറ്റിലും കാഴ്ച്ചകള്‍
മറക്കുന്ന വര്‍ത്തമാനത്തില്‍
നോക്കി നില്‍ക്കേണ്ടതുണ്ട്…
തുടര്‍ച്ചകളെ കാണാന്‍…

നോട്ടം പിഴച്ചാല്‍
വലയില്‍
സുഷിരങ്ങളുള്ളത്
അറിയാത്ത വവ്വാലുകളെ
പോലെയാവും…

'യൂസ്‌ലെസ്‌' ബോംബുകള്‍ (താക്കറെ)

2008-06-19T10:00:00.012+03:00

ബോംബുകള്‍ രണ്ട് തരമാണ്..
“യൂസ്‌ലെസ്‌” ബോംബുകള്‍
ആണ് ഒന്ന്.
ആ പേരു മാത്രം സ്ഥിരമായിരിക്കുന്നു

രണ്ടാമത്തേതിന് പേരുകള്‍
മാറികൊണ്ടിരിക്കും..
മുസ്ലിം ചാവേര്‍ ബോംബ് എന്നും
ഹിന്ദു ചാവേര്‍ ബോംബ് എന്നും
പല തരത്തില്‍

മുസ്ലിം ചാവേര്‍ ബോംബില്‍ മുസ്ലിം
മരിച്ചാല്‍
അത്
“യൂസ്‌ലെസ്‌” ആയി.
ഹിന്ദു ചാവേര്‍ ബോംബില്‍
ഹിന്ദു മരിച്ചാലും
അതും
“യൂസ്‌ലെസ്‌” ആയി..

ഇനി ഒരിക്കല്‍
ലിംഗങ്ങളും കടന്ന് വരും
പുരുഷചാവേര്‍ ബോംബുകള്‍
സ്ത്രീ ചാവേര്‍ ബോംബുകള്‍
എന്നിങ്ങനെ

ഏത് “യൂസ്‌ലെസ്‌” ബോംബിലും
സ്ത്രീലിംഗം ഒരു ഇര തന്നെയാണ്…
അവരും അത് കൊണ്ട്
സ്ത്രീ ചാവേര്‍ ബോംബുകള്
ഇനി ശ്രഷ്ടിച്ചെന്നിരിക്കും

പഠിക്കാന്‍ പറയുന്ന
അമ്മക്ക് മുന്നില്‍
കുട്ടി ചാവേര്‍ ബോംബുകളും
പ്രണയിക്കാന്‍ സമ്മതിക്കാത്ത
അച്ചന് മുന്നില്‍
പ്രണയ ചാവേര്‍ ബോംബുകളും
ഭിക്ഷ കൊടുക്കാത്തവര്‍ക്ക്
മുന്നില്‍
തെണ്ടി ചവേര്‍ ബോംബുകളും
കടന്ന് വരും

അവസാനം,
തന്നെ
ജീവീക്കാന്‍ സമ്മതിക്കാത്ത
മനുഷ്യര്‍ക്ക് മുന്നില്‍
ദൈവ ചാവേര്‍ ബോംബുകളും
ഒരിക്കല്‍ പൊട്ടിതെറിക്കും

ബോംബുകള്‍ രണ്ട് തരത്തിലാണ്…
ഒന്നിന്റെ പേരുകള്‍ മാത്രം മാറികൊണ്ടിരിക്കും…

ഇരകള്‍ വേട്ടക്കാരനാകുന്നതിന്റെ മനശാസ്ത്രം...

2008-06-14T18:32:00.005+03:00

അന്ന് ഞാന്‍ കരഞ്ഞിരുന്നു
എന്നെ
ജനിപ്പിക്കുന്ന നേരത്ത് ഒരു
ഇരയായി മാറ്റിയെന്നെ
പിഴപ്പിച്ചത്തില്‍
പിന്നെ
മണ്ണിന്റെ കൂടെ
ഒരു ഇരയായി ചേര്‍ത്തന്റെ
ശബ്ദത്തെയും അവര്‍ അടപ്പിച്ചു..
പേരില് പോലും ഒരു
ഇരയുടെ മൌനം
എനിക്ക് മാത്രം സ്വന്തം
ഞാന്‍ അന്ന് കരഞ്ഞിരുന്നു

ഒരിക്കല്‍
ആരോ
ഒരു തിരിച്ചറിവില്‍
എന്നെ വേട്ടകാരനാക്കി
മാറ്റി..
ശവം പേറുന്ന
നൂലില്‍
എന്നെ കോര്‍ത്ത്
പിടിച്ചടക്കുന്ന
പുതിയ ഇരകളോട് അവര്‍
പറഞ്ഞു
ഞങ്ങളല്ല നിന്നെ
വേട്ടയാടിയത്
ഇവനാണ്
തൂങ്ങികിടക്കുന്ന
എന്നെ ചൂണ്ടികാണിച്ചു…
ആ വേട്ടകരനാണ്…
എനിക്ക് ചിരിക്കണമെന്നുണ്ടായിരുന്നു..
അതിന്ന് മുമ്പേ....

ചിക്കന്‍ പോക്സ് വന്നാല്‍ ചിന്തകള്‍ക്ക് നോ സെന്‍സര്‍

2008-06-11T09:12:00.002+03:00

എനിക്ക് ചിക്കന്‍ പോക്സായിരുന്നു….
തുടക്കത്തില്‍ തലക്കുള്ളില്‍
ഞാനില്ലാത്തത് പോലെ….
പിന്നെ കൈകാലുകള്‍
പരാതിപെടാതെ
തളര്‍ന്ന് ഉറങ്ങുന്നു…

ഞാനില്ലാതെ എന്റെ
ചിന്തകള്‍
ഒറ്റക്ക് സഞ്ചരിക്കാന്‍
ചില മുതലെടുപ്പ് നടത്തുന്നത്
ഞാനറിയുന്നു.…
അവക്ക് ഉത്സവമായിരിക്കും
മുന്‍ വിധികള്‍ കൂട്ടിനുണ്ടാവില്ലല്ലോ…

എഡിറ്റ് കഴിയാത്ത ചിന്തകള്‍
അപകടകരങ്ങളാണ്
അതിനെ പുറത്തേക്കെടുക്കാന്‍
പോപപ്പ് സമ്മതിക്കില്ല

ചിലത് ഇങ്ങനെയായിരിക്കാം
ബ്ലോഗ് അക്കാദമിക്ക് ഹിഡണ്‍
അജണ്ടകളില്ലേ
യൂറോപ്പില്‍ ബ്ലോഗര്‍മാര്‍
രാഷ്ട്രത്തെ ഭരിക്കുന്നെങ്കില്‍
ആദ്യമായി
ബാലറ്റിലൂടെ
കമ്യൂണിസം
കയറിയ ഇവിടെ
ബ്ലോഗേര്‍സിനും കയറിക്കൂടെ.
എന്നവര്‍ ചിന്തിക്കുന്നില്ലേ…
അങ്ങനെയാണെങ്കില്‍
അവര്‍ക്ക്
എന്തായിരിക്കും
പ്രത്യായശാസ്ത്രം
എവിടെയും എന്ന പോലെ
അവിടെയും ചില അടികള്‍ക്ക്
സ്കോപ്പില്ലേ

എഡിറ്റില്ലാത്ത
ചിന്തകള്‍
ഇങ്ങനെയാണ്
വെറുതോ
ഒരോന്ന് ചിന്തിക്കുക…

എനിക്ക് ചിക്കന്‍ പോക്സായിരുന്നു,,
ശ്രദ്ധിക്കുക
പടര്‍ന്നാല്‍
എഡിറ്റില്ലാത്ത
ചിന്തകള്‍ വെറുതേ
കയറിവരും…
വെറുതേ ഒരാവശ്യവുമില്ലാതെ….

കരിവാരത്തില്‍ ഞാനും

2008-06-10T18:04:00.006+03:00

എല്ലാവര്‍ക്കും ഡിലീറ്റ് ചെയ്യാനുള്ള അവകാശത്തിനും വേണ്ടിയും ഒപ്പം
ഇഞ്ചിപെണ്ണിനോടുള്ള ചെറ്റത്തരത്തിനെതിരേയും
എന്റെയും ഐക്യദാര്‍ഢ്യം

കരീം മഷേ ഒരു അഭിപ്രായമുണ്ട്..
“എന്റെ രചനകളുടെ അന്തിമമായ നിയന്ത്രണം എന്റെ കൈവിരലിലായിരിക്കണം എന്ന ഒരു തീരുമാനം സൂക്ഷിക്കുന്നതു കൊണ്ടാണ്‌. ബ്ലോഗിംഗ്‌ ആവശ്യമില്ലന്നും അപകടമാണെന്നും തോന്നുന്ന നിമിഷം ഡിലിറ്റ്‌ കീ അമര്‍ത്തിയാല്‍ വാനിഷാവുന്നതാവണം എന്റെ ബ്ലോഗിംഗ്‌.അതിനു തടസ്സം വരുന്ന രീതിയില്‍ എന്റെ എഴുത്തുകള്‍ കട്ട്‌-കോപ്പി ചെയ്യുന്നതു ഞാന്‍ എതിര്‍ക്കുക തന്നെ ചെയ്യും.”

ഇതല്ലേ ബ്ല്ലോഗ്ഗിന്റെ കാര്യത്തില്‍ ശരിയായ നടപടിഡിലീറ്റ് ചെയ്യാനുള്ള അവകാശം നഷ്ടപെടുക എന്നത് വലിയ പ്രശ്നം അല്ലേ...

link....http://kareemmaash.blogspot.com/2008/06/blog-post.html

ചവര്‍പ്പ് (കൊണ്ടാലെസ്സ)

2008-05-01T10:05:00.011+03:00

http://woldhek.nl/image/show/1408-condoleezza-rice-2

ഒട്ടൊരു ചവര്‍പ്പ്,
വായില് കിടന്ന് പിടയുന്നു
തുപ്പാന് മനസ്സ്
പറയുന്ന് പോലെ
പിന്നെ മെല്ലെ ചവച്ചിറക്കി.
അല്ല
എവിടെ പോയി
ഇതിന്റെ മധുരം

അന്ന്
അവിടെയെല്ലാം
മരണങ്ങള്‍ ഉണ്ടായിരുന്നു.
വിശപ്പിന്റെ നല്ല
രുചിയറിഞ്ഞുള്ള മരണം,
അതിന്റെ
നിറം പിടിച്ച ചിത്രങ്ങളും
വാര്‍ത്തകളും
ബ്രെക്ക് ഫാസ്റ്റിന്റെ കൂടെ
അന്നുണ്ടായിരുന്നല്ലോ..
പിന്നെ എന്നാണ്
അത് കാണാതിരുന്നത്..

വയ്യ.
ചവര്‍പ്പ്
തിങ്ങികൂടുന്നു.
വയറ്റില് ഹിരോഷിമയുടെ
ചിത്രം പോലെ മുരളുന്നു

ഇവിടെ
ചവര്‍പ്പിന്ന് കാരണം
60 ശതമാനവും
20 രൂപ ദിവസകൂലിയുള്ള
ജനങ്ങള്‍
പള്ള നിറച്ച്
തിന്നുന്നത് തന്നെ...
ഇനി ഭീകരരുടെ
കൂട്ടത്തില് അവരെയും
ഒരു കണ്ണിയാക്കണം.

ചവര്‍പ്പ് വീണ്ടും
ചവര്‍പ്പ്.
സഹിക്കാന് വയ്യ.
എന്തേ
ഭീകരരുടെ
എണ്ണം ഇങ്ങനെ കൂട്ടുന്നേ….

ചിത്രം ഏതോ ഒരു വെബില്‍ നിന്നും പോസ്റ്റിയത്. ഗൂഗിളില്‍ നിന്നും കിട്ടിയത്...

തേനീച്ചകള്‍..

2008-04-12T12:20:00.006+03:00

“എസ്‌എഫ്‌ഐ ഭീകരവാദികളുടെ കൂട്ടമാണെന്നുവരെ ഒരു ബഹുമാന്യ പുരോഹിതന്‍ പറഞ്ഞുവച്ചു.”
സുമി ആത്മഹത്യചെയ്യുമ്പോള്‍ വീട്ടില്‍ അമ്മമാത്രമേ ഉണ്ടായിരുന്നുള്ളു. സുമിയുടെ പിതാവും സഹോദരനും ജോലിസംബന്ധമായി വിദേശത്തായിരുന്നു. സുമിയുടെ മൃതദേഹം കണ്ട്‌ ബോധം നശിച്ച മാതാവ്‌ കൃത്രിമമായി ആത്മഹത്യാ കുറിപ്പ്‌ ചമച്ചുവെന്ന്‌ സ്ഥാപിക്കാനാണ്‌ ഫാ. ചെറിയാന്‍ രാമനാല്‍ അടക്കമുള്ളവര്‍ ശ്രമിച്ചത്‌...(വാസ്തവം ദിനപത്രം Tuesday, April 8, 2008)

അവർ
തുളുമ്പുന്ന കടന്നൽ
കൂട് പോലെ ഭീകരവാദികളുടെ
ഒരു കൂട്ടമാണ്.

പറന്ന് വീണ ഓശാന
കേട്ട് വെളുത്തകുപ്പായത്തിനെ
ചളിപൂശാൻ വന്ന
കോമരങ്ങൾ

വിടരുന്ന മൊട്ടില്‍കൂടി
പടർന്നിറങ്ങുന്ന
തേനീച്ചകൾ
ഇന്ന് ഉറക്കം കെടുത്തുന്നു...

ആ മൊട്ടല്ല
അതിന്റെ ചെടിയാണ്
ഒരു ബോധകേടിൽ
ആ ഓശാന പാടിയത്..

വെളുത്തലോഹകൾ
വെളിച്ചമായിരുന്നു
കുഞ്ഞാടുകളെ
ജീവിപ്പിക്കുന്ന വെളിച്ചം

ഇന്ന് എവിടെയോ വെച്ച്
ആരാണ്
കറുത്ത നിഴൽ
കൊണ്ട് അതിനെ മറച്ചത്..

അതോ ചിതറിയ
നോട്ട് കെട്ടുകൾ
വെളിച്ചത്തിന്റെ
മറുപുറം തേടുന്നുവോ..

ഈ വെളിച്ചവും
അണഞ്ഞെങ്കില്‍
ചില തേനിച്ചകള്‍
മൂളിപറക്കുന്നത്
ഒരു ആശ്വാസമാണ്

“ഒന്നും ശരിയല്ല”

2008-03-30T08:44:00.004+03:00

കൂട്ടത്തില്‍ നടുക്കൂള്ള ചക്കി പൂച്ച
അമ്മിക്കുട്ടിയില്‍ ഒന്ന്‌ നക്കി
തന്നത്താന്‍ പറഞ്ഞു
“ഒന്നും ശരിയല്ല”.

ചക്കി കോഴിയും കറുമ്പന്‍ കാക്കയും
തമ്മില്‍ തമ്മില്‍ നോക്കി ചിരിച്ചു..
ചക്കി മുരടനക്കി 15 എന്ന്‌
ഉറക്കെ പറഞ്ഞു.

മുറ്റത്തേക്ക്‌ പറന്ന്‌ വന്ന
മുള്ളും ചോറും കടിച്ച്‌ പറിക്കുന്ന
ഇടയില്‍ വീണ്ടും പറഞ്ഞു.
“ഒന്നും ശരിയല്ല”.

ഒരു താളത്തിലെന്നപ്പോലെ
കറുമ്പന്‍ ചെല്ലി പതിനാറ്‌
കഥയറിയാതെ പാണ്ടി പട്ടി
ഒന്ന്‌ കുരച്ചു.
എന്തേ എന്ത്‌ പറ്റി ?.

അവന്‍ കേട്ടുവത്രെ
മൂന്ന്‌ ദിവസം
വാര്‍ത്തയിലെ ചര്‍ച്ചകള്‍
എല്ലാരും പറഞ്ഞു
എന്നും പറഞ്ഞു
ഒരൊന്ന്‌
“ഒന്നും ശരിയല്ല”..

തോന്നല്‍

2008-03-23T23:02:00.014+03:00

കോടതി ആദ്യം വിറച്ചു,

പിന്നെ കുരച്ചു

ഇവന്‍ ഭീകരനാണ്‌

അന്ന്‌ കുലച്ച

വാഴക്കുല കട്ടെടുത്തത്‌

ഇവന്റെ മുത്തച്ചനാണ്‌

പട്ടിണി
ഒരു തോന്നലാണ്‌

കട്ടെടുക്കുക എന്നത്

യാഥാര്‍ത്ഥ്യവും

വിശപ്പ്‌ എന്നൊരു പദം

മനസ്സിന്റെ വെറും

അനുഭൂതിയെന്ന്‌

വിധി പുസ്തകത്തില്‍

ഒരു മീനിനെ പോലെ പിടഞ്ഞു

അതിന്റെ പേരില്‍

തീറ്റ കക്കുന്നവന്‍

കൊടും കുറ്റവാളി..

അവന്‍ ചിരിച്ചു

അന്ന്‌

മുത്തച്ചന്‍

കട്ടെടുത്തപ്പോള്‍

എല്ലാ പഴവും

തിന്നത്‌ നിങ്ങളാണ്‌

എന്നവന്‍ കോടതിയില്‍ ബോധിപ്പിച്ചു.

ഭക്ഷണ മോഷണകേസ്സില്‍ റിമാന്റിലായി ക്ഷയം പിടിപ്പെട്ട് മരണപ്പെട്ട ആദിവാസി ബബുവിനെ മറക്കാന്‍ വേണ്ടി പെടാപാട് പെടുന്നവര്‍ക്ക്..

ഉളുപ്പില്ലാത്തവര്‍.....

2008-03-15T14:39:00.008+03:00

കണ്ണൂരിലെ രാഷ്ട്രീയ കൊലപാതകങ്ങള്‍

‍വിമര്‍ശിക്കപ്പെടേണ്ടത്‌.

വെറുക്കപെടേണ്ടത്‌..

ഇനിയൊരിക്കലും അവിടെ

ആരും കൊല്ലപ്പെടരുതേ

എന്ന്‌ മലയാളികള്‍ കൂട്ടമായി പ്രാര്‍ത്ഥിക്കുന്നു....

അതിനിടയില്‍ തികച്ചും ചെക്കുത്താന്റെ

കണ്ണുകളമായി ചിലര്‍ പതുങ്ങി

നില്‍ക്കുന്നത്‌ നാം കാണാതിരുന്നു കൂടാ..

കൊല്ലപ്പെട്ട ഒരു വിഭാഗത്തിന്റെ

കരളുരുകി മാത്രം കാണാവുന്ന

ഫോട്ടോകള്‍ ‍ഫോര്‍വേഡ്‌ ചെയ്ത്‌ കളിക്കുന്നു..

പ്രിയരേ ആ ഫോട്ടോയിലുള്ളവര്‍ക്കും

കുടുംബം ഉണ്ട്‌..

അത്‌ കൊന്നവര്‍ മാത്രമല്ല

ഫോര്‍വേഡ്‌ ചെയ്ത്‌ കളിക്കുന്നവരും

ഓര്‍ക്കേണ്ടതാണ്‌.

ഇവിടെ ഒരു പാര്‍ട്ടി മാത്രമാണ്‌

തെറ്റുകാര്‍ എന്ന്‌

ഒരോ ഫോര്‍വേഡ്‌ മെസ്സേജിലും...

രാഷ്ട്രീയം ചെകുത്താന്റെ

മാര്‍ഗമെന്ന്‌

ടി. വി. ചാനലിലും

ചില ബ്ളോഗുകളിലും

സജീവ ചര്‍ച്ചകള്‍...

വിക്കിപീഡിയയില്‍

പുതിയ സ്കോര്‍ പട്ടികയും....

രാഷ്ട്രീയം മനുഷ്യന്റെ നന്‍മക്ക്‌ വേണ്ടിയുള്ളതാണ്‌

അത്‌ കേരളത്തിലെ ജനങ്ങള്‍ക്ക്‌

ഒരു പാട്‌ നന്‍മകളും നല്‍കിയിട്ടുണ്ട്‌

മനുഷ്യരുടെ തെന്നിനീങ്ങുന്ന വികാരങ്ങളില്‍

രാഷ്ട്രീയ ആദര്‍ശങ്ങള്‍

മറന്ന്‌ കൊലയാളികളായി അവര്‍ മാറുന്നു.

വികാരങ്ങളുടെ തള്ളിച്ചകളില്‍

വിചാരങ്ങള്‍ മാറി നിന്ന്‌ പോകുന്നു

അവിടെ

പാവം രാഷ്ട്രീയം എന്ത്‌ പിഴച്ചു.......

ചില പാഠങ്ങള്‍- നാം എങ്ങനെ വിഡ്ഡികളല്ല ?

2008-03-09T15:52:00.011+03:00

പാഠം ഒന്ന്

ചിരിക്കുന്ന ബുദ്ധനെ
പോലെ
അനങ്ങാതിരിക്കണം
വെറുതെ മേല്‍പ്പോട്ട് നോക്കിയിരിക്കണം..

പാഠം രണ്ട്

അവര്‍ ഒരു കൂട്ടമായിരിക്കും
കയ്യില്‍ ഒരു വാള്‍
പോലെ ഒരു എക്സ്പ്രഷന്‍
അത് വാളല്ലന്ന് തിരിച്ചറിയണം
കാരണം
നാം അവരെപ്പോലെ വിഡ്ഡികളല്ല.

പാഠം മൂന്ന്

ഇനി അവര്‍ ആഞ്ഞ് വെട്ടിയാല്‍
ഇടത്ത് നിന്ന് വലത്തോട്ട്
മെല്ലെ തിരിഞ്ഞാല്‍
ഇരു കൈയ്യും
ഒളിപ്പിച്ച് വെക്കാം…
കൈ അത്
ഒരു ചിഹ്നമാണ്
നാളെ തിരിച്ച് വെട്ടാന്‍
ഞങ്ങള്‍ക്ക് നിങ്ങളുടെ
കൈമാത്രം ബാക്കി വേണം ..

പറഞ്ഞിട്ട് കാര്യമില്ല....

2008-03-05T21:34:00.022+03:00

പ്രണയം
ഇത് ഒരു കൂടാരമാണ്
ചിലപ്പോള്‍
ഒരു കാറ്റിന് പോലും
അകത്തെത്താന്‍
കഴിയാതെ
ഞാന്‍ വീര്‍പ്പ് മുട്ടികിടക്കും

ചില സമയങ്ങളില്‍
നാലുമണി പൂവിന്റെ
സുഗന്ധത്തേക്കാള്‍
എന്നെ ഉന്മാദനാക്കും
അതിന്റെ വിയര്‍പ്പിന്റെ
പച്ച മണം..

രാത്രിയില്‍ ,
വീണുടയുന്ന
കുപ്പിച്ചില്ലുകള്‍
കൂടാരത്തെ
വലം വെക്കാറുണ്ട്.

അവിടെ കിടന്ന
നാളുകളിലെ
ഓര്‍മകളുടെ
ചപ്പുചവറുകള്‍ക്കിടയില്‍
ഒരു ഒറ്റ രൂപയുടെ
നാണയം പോലും
എന്നെ കാത്തിരുന്നില്ല.

എങ്കിലും
എന്നെക്കെയോ
ഇതിന്റെ സൌന്ദര്യം
എന്നെ കൊണ്ട് പോയിരുന്നു
അതിന്റെ കാണാത്ത
വാതിലിന്റെ ഉള്ളിലേക്ക്..

പക്ഷേ
എനിക്കറിയില്ലായിരുന്നു
എല്ലാ കൂടാരവും
പോലെ
അടച്ച് വെക്കാന്‍ അതിനും
രണ്ട് ചോയ്സാണ്
എന്നത്.

അത് കൊണ്ടായിരിക്കാം
ഞാനടച്ചത്
എനിക്കൊരിക്കലും
തുറക്കാന്‍ സാധികാതിരുന്നത്

ഒരു ഭീകരവാദികൂടി....

2008-03-02T14:45:00.004+03:00

ഒരൊറ്റ വാക്ക്
വീശി അടിച്ച കൊടുങ്കാറ്റ്
പെട്ടെന്ന് മാളത്തിലേക്ക്
മറഞ്ഞിരുന്നു.

ചുറ്റും നിശബ്ദത
ഒരു കറുത്ത പൂച്ച
എവിടെ നിന്നോ വട്ടമിട്ടു
ചാടാന്‍ തക്കം നോക്കി.

തിളച്ച് മറഞ്ഞ
ചൂട് പാല്‍
തണുത്തു ആറി
ഒരെറ്റ വാക്ക്

പിറക്കാന്‍ മടിച്ച
ഗര്‍ഭ്ഭം
ഒരുങ്ങി
ചുറ്റിലും യാങ്കികള്‍
ഒരു ഞെട്ടലോടെ
അവര്‍ പറഞ്ഞു

ഉള്ളില്‍ ഒരു ഭീകരവാദി
ജനിക്കാനിരിക്കുന്ന ഒരു
മുസല്‍മാന്‍

സുകുമാരേട്ടന്റെ ഇതും അതിന്റെ ചില കമ്മന്റും വായിച്ചപ്പോള്‍തോന്നിയത്..

എരയാംകുടി ഓര്‍മിപ്പിക്കുന്ന ഒരു പ്രണയത്തെകുറിച്ച്‌..

2008-02-25T14:49:00.008+03:00

അവളുടെ ഗദ്ഗദം കണ്ടു ഞാന്‍

അറിയാതെ മൌനത്തില്‍ വീണ്‌ പോയി.

ഉള്ളിലെ ദു:ഖത്തിന്‍ ആഴത്തെ പേടിച്ച്‌

കണ്ണീര്‍ തുള്ളികള്‍ അറിയാതെ പെയ്തു.

അവള്‍ എന്നുമെന്‍ താരാട്ട്‌ കേട്ടിരുന്നു.

എന്നും എന്‍ തലോടല്‍ അവളറിഞ്ഞു

ചിരിച്ച്‌ കൊണ്ടിരുന്ന മലകളും

ചാഞ്ചാടി നടന്ന പുഴകളും

അവളുടെ മാറും നിതംബവുമായിരുന്നു.

എണ്റ്റെ പ്രണയിനിയുടെ

മടിത്തട്ടില്‍ ശാപഭാരവുമായി

കിടന്ന ബീജങ്ങള്‍

അവളുടെ മാറും നിതംബവും

ഞെക്കിപിഴിഞ്ഞു.

എങ്കിലും പ്രണയിനിയെ

മനസ്സിണ്റ്റെ തണലില്‍ ഞാന്‍

ഒളിപ്പിച്ചു വെച്ചു.

പ്രണയിനിക്ക്‌ നല്‍കാന്‍

ചൂടിയതാണെങ്കിലും

ഒരു പൂ കാത്ത്‌ വെച്ചു.

ഈ കാമുകണ്റ്റെ വിലാപം

കേള്‍ക്കാതിരുന്ന്‌

മാറും നിതംബവും

നക്കി തുടച്ച്‌

അവസാന മുല കഷ്ണത്തിനും

അവര്‍ നറുക്കിട്ടു.

ഒടുവില്‍ പ്രണയിനിയുടെ

ഗര്‍ഭപാത്രവും തോണ്ടിയെടുത്ത്‌

അവര്‍ വ്യഭിചരിക്കുന്നു.

എനിക്ക്‌ അവസാനമായി

ചുമ്പിക്കാന്‍ ഒരെറ്റ ഇടവും നല്‍കാതെ..

3 ചുള്ളികൊമ്പും ഒരു മട്ടലും

2008-02-23T11:00:00.003+03:00

നേരം കളയാന്‍
ബാക്കി വെച്ചവര്‍
സമ്രാജ്യത്തിണ്റ്റെ
പഴയ ഒരു ചീട്ട്‌
അന്നെടുത്തു.

3 ചുള്ളികൊമ്പും
ഒരു മട്ടലും
അതിന്ന്‌ മതിയായ
ഉപകരണങ്ങള്‍
കാത്തിരുന്നു.

നേരം കളയാന്‍
ബാക്കി ഇല്ലാതിരുന്നവര്‍
അതിജീവനത്തിണ്റ്റെ
പുതിയ മന്ത്രമായി
3 ചുള്ളികൊമ്പും
ഒരു മട്ടലും

പിന്നെ എന്നോ
അത്‌
വിഡ്ഡിയാക്കാന്‍
ഒരു മരുന്നായി
3 ചുള്ളികൊമ്പും
ഒരു മട്ടലും

ഇന്നത്‌
മറ്റൊരു മരുന്നായി
ലേലം വിളിക്കുന്ന
അടിമത്തവും
കറുക്കുന്ന പണത്തെ
ശുദ്ധിയാക്കുന്ന ഗംഗാജലവും

ചുരുട്ട്‌ കത്തികൊണ്ടിരിക്കും....

2008-02-20T09:38:00.011+03:00

ആ കാല്‍പാദങ്ങള്‍

അന്ന്‌ ആദ്യമായി തന്‌റ്റെ

ചൊല്‍പടിക്ക്‌ പുറത്തായപ്പോള്‍

‍ലോകപോലീസ്‌ ഒന്ന്‌ നെടുവീര്‍പ്പിട്ടു.

അതിനെ വ്യാഖ്യാനം

കൊണ്ട്‌ കുഴിച്ച്‌ മൂടാന്‍,

എല്ലാ സാമ്രാജ്യത്തവും

മലയാള ചാനലുകളായി.

അത്‌ ഒരു പഴ തൊലിയില്‍

ചവിട്ടിയെതെന്നപ്പോലെ

നീ വീണ്ടു നടന്നു.

ഒപ്പം ഞങ്ങളുടെ നിശ്വാസവും,

അതേ,

ഞങ്ങള്‍ ‍അത്ര നിന്നെ സ്നേഹിച്ചിരുന്നു.

പിന്നെ നീ ഒന്ന്‌ മാറി നിന്നു.

അന്ന്‌ നീ മരിച്ചു വെന്ന്‌

അവര്‍ മെല്ലെ പറഞ്ഞു,

ഇന്ന്‌ മെല്ലെ പറഞ്ഞാലെ

മാര്‍കറ്റൊള്ളുവെന്ന്‌

അവര്‍ എങ്ങനെയോഅറിഞ്ഞിരുന്നു.

ഞങ്ങള്‍ക്ക്‌ മുന്നില്‍

ശകുനമായി നില്‍കുന്ന

മുളക്‌

ഉണങ്ങാന്‍ തുടങ്ങുന്നുവെന്നും..

പിന്നെയും പിന്നെയും

നിന്‌റ്റെ നരച്ച താടി,

കറുത്തു, ചുവന്നു.

ഒടുവില്‍ ആ കത്തുന്ന ചുരുട്ടും

അതിണ്റ്റെ തിക്ഷണതയുടെ

ചൂടും

കെടാതെ സൂക്ഷിച്ച്‌

തിരശ്ശീലക്ക്‌

പിന്നിലേക്ക്‌ നീ പോവുന്നു.

ഗുവേരയോട്‌ എന്താണ്‌ നീ പറയുന്നത്‌?

സമയമായി.

ചെകുത്താന്‌റ്റെ രാജ്യത്തോട്‌

കണ്ണുരുട്ടുന്ന

നിന്‌റ്റെ കരങ്ങള്‍

എന്‌റ്റെ ചുറ്റിലും...

ആ കരങ്ങളുടെ ഇടയിലേക്ക്‌

നീ കത്തിച്ചചുരുട്ട്‌ ഞാന്‍ മാറ്റുന്നു.

ആ കൈകള്‍

നമ്മെക്കാള്‍ ക്രൂരന്‍മാരാവട്ടെ..

നെടുവീര്‍പ്പിടുന്നവരുടെ കാഴ്ച്ചയില്‍...

തുരുമ്പ്‌, അത്‌ ഒരു സത്യം

2008-02-18T16:56:00.004+03:00

ഇടനെഞ്ചിലൊരു വേദന,
ചെറിയ തരുതരിപ്പും,
ഇനി എത്രനാളെന്ന്‌
മകന്‍ എന്നോട്‌ ചോദിച്ചു.

കിടക്കപ്പായ അവരെടുത്തു,
തല്ലിപൊളിക്കുന്ന മൂന്നാറും
കൊണ്ട്‌ വന്നവര്‍
ഇനി എത്രനാളെന്ന്‌
തള്ള എന്നോട്‌ ചോദിച്ചു..

ചിന്തകള്‍ വാര്‍ദ്ധക്യമായി,
യൌവനചിന്തകര്‍ പാര്‍ട്ടി എടുത്തു.
ഇനി എത്ര നാളെന്ന്‌
അവര്‍ എന്നോട്‌ ചോദിച്ചു,,

പഴയ വടി,
തുരുമ്പെടുത്തു,
അവിടെയെല്ലാം
അത്‌ പൊളിഞ്ഞ്‌ വീണു.
ഇനി എത്ര നാളെന്ന്‌
പി.ബി എന്നോട്‌ ചോദിച്ചു.

ഇനി മാലോകര്‍മാത്രം
കൂടെ നിന്ന്‌
ഉഷ ഉതുപ്പുമായി
എത്രനാള്
‍എന്ന്‌ ഞാന്‍ എന്നോട്‌ ചോദിച്ചു.
ചിന്തകള്‍ക്ക്‌ ഒരു ഗള്‍ഫ്‌ ഗെയിറ്റും
വടി മാറ്റാന്‍ ഒരു ടിപ്പ്‌ ടോപ്പും
എവിടെ നിന്നോ എന്നൊ നോക്കി ചിരിച്ചു

അത്‌ അതായാല്‍ മാത്രം മതി

2008-02-04T16:08:00.002+03:00

ഒരു പൂവിണ്റ്റെ വശ്യമായി,
എന്നോ അതിനെ ഞങ്ങള്‍ കണ്ടു.
അതിനെ
അവര്‍ അവളെന്ന്‌ വിളിക്കുമ്പോയും
ഞങ്ങള്‍ അറിയാത്തപോലെ മാറിനിന്നു,
അത്‌ എന്നും
ഞങ്ങളുടെ പാനമായിരുന്നു..
എന്ന തിരിച്ചറിവ്‌,
ഞങ്ങളെ രോമാഞ്ഞരാക്കി.
ഇപ്പോള്‍ ഞങ്ങള്‍ക്ക്‌
അതിനെ അടിയന്തരമായി
ബഹുമാനിക്കേണ്ടതുണ്ട്‌.
പക്ഷേ..
എവിടെയും പെട്ടെന്ന്‌
കിട്ടാതിരിക്കാന്‍..
അതിന്‌ എന്തു പറ്റി.
പാലിനെപോലെ
ഇത്ര കുറവാണെങ്കിലും

‍ഞങ്ങള്‍ക്ക്‌ പ്രശ്നമില്ല.
ഞങ്ങള്‍ അതിനെ ബഹുമാനിച്ചിരിക്കും.

അത്‌ ഇന്നലെ വിരിഞ്ഞ പൂവാണെങ്കിലും...
അത്‌ അതായാല്‍ മാത്രം മതി

ആവൂ...അവര്‍ ബിസിയാണ്‌

2008-02-03T18:51:00.001+03:00

ഇവിടെ തിളക്കത്തിന്‌ ഒരു കുറവുമില്ല,
ചുറ്റിലും ഒരു ഭീമാകാരമായി അത്‌ വളര്‍ന്ന്‌ കൊണ്ടിരിക്കുന്നു
ഇനി നിലക്കാത്ത റിയാലിറ്റിഷോയിലെ കയ്യടിപ്പോലേ..
ഒരു പേടിസ്വപനം കൂടിയാകും

ഇപ്പോള്‍ വിണ്ടും വീട്ടമമമാര്‍

കുഞ്ഞിണ്റ്റെ അടുത്ത്‌ പാല്‍ ചിരവയും വെച്ച്‌
രത്നങ്ങളെ തേടി തുടങ്ങി..
കുട്ടി...
(അവന്‍ ഇന്നലത്തെ കാറ്റിന്‌ മുളച്ചതാണെങ്കിലും)
അവനും റിയാലിറ്റിയാകുന്നു,,,,
ഇനി....
കാലന്
‍അത്‌
നിശബ്ദമായി...
കാത്തിരിക്കുന്നു...
അവനെയും ചാനല്‍ റിയാലിറ്റിയാക്കുന്നതും കാത്ത്‌

തുടക്കം - ഞാനങ്ങനെ ചിതലായി

2008-02-03T16:54:00.005+03:00

പണ്ട്‌,

അവര്‍ എവിടെ നിന്നോ വന്നവര്‍,

പിന്നെ ഇവിടെ നില്‍ക്കാതിരിക്കാന്

‍അവര്‍ക്ക്‌ എന്തോ കഴിഞ്ഞില്ല.

ഒരു ലാളനയിലൂടെ,

ചില സ്നേഹങ്ങളിലൂടെ

ഞാന്‍ അറിയാതെ ..

അവരിലേക്ക്‌...

ചിതല്‍ പുറ്റായി ....

പക്ഷേ...

ഇന്ന്‌ ഞാനറിയുന്നു...

അതായിരുന്നു ശരിയെന്ന്‌...

ഇവിടെ എന്തിന്‌ ഇനി മിണ്ടണം..

ചിതലായി...

അനങ്ങാതെ ഞാനിവിടെ..

ഈ സമൂഹത്തില്‍ ഒരാളാണ്‌

എന്നാലും ഞാന്‍